மதுரையில் இருந்து தேனி வரையிலான ரயில் பாதை அகலப்பாதையாக மாற்றப்பட்டதைத் தொடர்ந்து, 12 வருடங்களுக்குப் பிறகு மதுரையிலிருந்து புறப்பட்டு தேனி வந்தடைந்த ரயிலை வழிநெடுகிலும் மக்கள் உற்சாகமாக வரவேற்றனர்.
சென்னையில் நடைபெற்ற விழாவில் பிரதமர் நரேந்திர மோடி மதுரை-தேனி ரயில் சேவையை காணொலி வாயிலாக தொடங்கி வைத்தார்.
மதுரை-போடிநாயக்கனூர் இடையேயான 90.4 கி.மீ தூரமுடைய அகல ரயில் பாதை வழித்தடத்தில், தற்போது தேனி வரை 75 கி.மீ தூரமுடைய பணிகள் முடிவடைந்துள்ளது.
விரைவில், தேனி-போடி இடையேயான 15 கி.மீ தூரமுடைய ரயில் பாதை நிறைவு பெறும் பட்சத்தில், போடி-சென்னை வரையிலான ரயில் சேவை தொடங்கும் என தேனி மக்களவை உறுப்பினர் ரவீந்திரநாத் தெரிவித்தார்.
